WorldGarden არის ეკოლოგიურად სუფთა ბაღი, რომელიც კახეთის მიკროზონაში, ხაშმში შენდება. ამ ბაღში შეგიძლიათ თქვენი სახელობის ხე დარგოთ და მოსავლის 20% მიიღოთ იმ შემთხვევაშიც კი, თუ სხვა ქვეყანაში ცხოვრობთ.
ბაღში ისეთი კულტურების გაშენებაა დაგეგმილი, როგორებიცაა ბროწეული, ქლიავი, ზეთისხილი, ხურმა, ფსტა, ნუში, კაკალი, თხილი და სხვა.
WorldGarden – ის ბაღში აგროტექნოლოგიურ პროცესებს, მოვლა-მოყვანის სქემებს კომპანია „ბიოაგრო – მცენარეთა ბიოლოგიური დაცვის ცენტრი“ გაუძღვება და მათივე ორგანული სასუქებითა და ბიოლოგიური პრეპარატებით ჩატარდება წამლობები.
პერიოდულად, სპეციალისტები ჩაატარებენ მონიტორინგს, ლაბორატორიულ ანალიზებს მცენარისა და ნიადაგის მავნებელ-დაავადებებზე და შესაბამისად განახორციელებენ შემდეგ ნაბიჯებს.
როგორც პროექტის ავტორები ამბობენ, ხაშმის ეს მიკროზონა ტურისტული კუთხითაც აქტიურად დაიტვირთება, მოეწყობა როგორც შემეცნებითი ისე გასტრონომიული ტურები.