ტრენინგი მოიცავდა ისეთ თემებს, როგორიცაა ნიადაგის სტრუქტურა, მცენარის გამოკვების მნიშვნელობა, დაავადებები და მავნებლები მეკენკრეობაში, კერძოდ, ჟოლოსა და მაყვალში.
აღნიშნულ საკითხებზე ფერმერებს “ბიოაგროს” სპეციალისტები – ნიადაგმცოდნე ბესიკ კალანდაძე, ფიტოპათოლოგი შაქრო ყანჩაველი და ენტომოლოგი კარლო კიკორია ესაუბრნენ.
შეხვედრაზე ფერმერებს ახალი პროდუქტებიც წარედგინათ – მყარი ორგანული სასუქი “ბიომიქსი” და ბიოლოგიური ინსექტიციდი “ნიმის ზეთი”.
ტრენინგის დასრულებისას ფერმერებმა, სპეციალისტებთან ერთად ჟოლოსა და მაყვლის ბიოლოგიური მეთოდით მოყვანის სქემა შეიმუშავეს, რომლის მიხედვითაც სეზონის დასაწყისიდანვე იხელმძღვანელებენ.