ბიოაგრო მცენარეთა ბიოლოგიური დაცვის ცენტრი
- ნერგების მომზადება
მცენარის დარგვამდე ნერგების ფესვთა სისტემა 12 საათის განმავლობაში ჩაალბეთ შემდეგი სახის ნარევში:
50 ლიტრ წყალში გახსენით – ერთი ლიტრი ორგანიკა, ერთი ლიტრი ბიოკატენა, მიწა ან კომპოსტი (ნიადაგში ნემატოდების არსებობის შემთხვევაში აღნიშნულ ნაზავს დაუმატეთ ერთი ლიტრი ნემატოფაგი) და მოურიეთ კარგად, ისე რომ მიიღოთ ფაფისებრი მასა.
სამუშაო ნარევში მოთავსდება:
- ხეხილის ნერგი – 150- 200 ძირი;
- კაკლოვანი – 120- 150 ძირი;
- ვაზი – 150 – 200 ძირი;
- კენკროვანი კულტურები – 100 – 150 ძირი.
რატომ არის რეკომენდირებული ამ პროცედურის ჩატარება?
- ვითარდება ფესვთა სისტემა
- იზრდება მცენარის გამძლეობა
- მცენარე მდიდრდება სასარგებლო მიკროორგანიზმებით
- ჩალბობის შემდეგ მცენარის ფესვთა სისტემას გადარგვის დროს თან მიჰყვება სასარგებლო მიკროორგანიზმები, რომლებიც შემდეგ ნიადაგში განაგრძობენ განვითარებას.
დარგვამდე, შეგიძლიათ მცენარის ნერგი მავნებელ – დაავადებებზე „ბიოაგროს“ ლაბორატორიაში შეამოწმოთ და ამ მავნებელ – დაავადებების პრევენცია დასაწყისშივე მოახდინოთ.
- ნიადაგის მომზადება
ზოგიერთი ნიადაგი მნიშვნელოვნად განიცდის მიკროელემენტების ნაკლებობას, რომლებიც მცენარის ზრდა – განვითარებისთვის მნიშვნელოვანია. რამდენიმე ელემენტის ნაკლებობა საქართველოს უმეტეს რეგიონებში გამოკვეთილია.
ნიადაგის გასანოყიერებლად, ორგანული მასის გასაზრდელად და სასარგებლო მიკროფლორის შესაქმნელად ნიადაგში ჩაკეთების წესით შეიტანეთ მყარი ორგანული სასუქი ბიომიქსი (დოზირება სხვადასხვა კულტურისთვის სხვადასხვაა).
- ხეხილის ნერგი – 200 – 250 მლ.ლიტრი ერთ ძირზე;
- ციტრუსები – 250 – 300 მლ.ლიტრი ერთ ძირზე;
- კაკლოვანი – 200 – 250 მლ.ლიტრი ერთ ძირზე;
- ვაზი – 200 – 250 მლ.ლიტრი ერთ ძირზე;
- კენკროვანი კულტურები – 100 – 150 მლ.ლიტრი ერთ ძირზე.
